Ka ram riangte hian lei rem a rap hlei theilo nge kan tana khua rel ve reng? Heti taka a letling zawng hlira kan kal tak mai le!?
Nimin piah mai khan Lunglei Autorickshaw Driver te chuan Lunglei khawpui kawng chhe lutuk leh khawkrawk tak, hman deuh lawka RBM-Tantia hovin an siam mam pur nisi chu hnatlangin an siam a, vawiin khan an Owner lamte an hnatlang bawk.
Hmanni lawk khan Taxi leh Pik-up driver te an hnatlang tawh bawk a ni. Aizawl lamah pawh Taxi driver te an hnatlang tawh bawk anih kha. Ka ngaihtuahna a kal thui viau mai. Hetiang hi kan kal zel dan tur em ni ta le? Kawng siam tur PWD,Tantia etc an awm bawk si!
Excise deptt an awm laiin YMA, SRS ten ruihhlo an dap/man a la ngai cheu! Police Dept. awm reng laiin YMA, JAC ten Krismas leh hunpui velah an duty a bang chuang lo! BAFFACOS sum tam tak awm lai leh UD&PA dept kan neih laiin kohhran leh NGO ten theihtawpin tam tuarte chhawmdawl hna an thawk!
Inthlan a hnai, Politician ten Pathian thu an sawi leh anga Kohhran Upa ten politics an sawi thung ang! Engtinge kan kal zel tak ang le!! Zoram siam tha tur hian nang leh kei hian tih tur kan nei a ni lawm ni?
Va sawi dik khauh khauh ve , Muante!! I blog hi ka lo la hmelhriat vak lo va, lo len luh fo tur a nih hi!
ReplyDeletea ni reng asin!!! a zak tur leh a Vei tur tak te hian an vei leh si lo a nih hi...
ReplyDeleteTuna thil kalphungah hi chuan, "Kawngpui dunga cheng ten mahni kawt theuh enkawl ila, a bak zawng chu vengchhung YMA in enkawl mai rawh se", te hi kan la ti lo ang tih a sawi theih ta hauh lo mai.
ReplyDelete(Pu Muante comment a word verification hi paih teh a! ...Khrum)
Muante, a tha. Thil tha tih tur a tam, kan ti ngam lova, hun leh thildang kan ui. Kan la tlem a, kan indem hreh bawk. Ngam kan awm a ngai a, ti duh kan awm a tul. Intuaihriam kan ngai a, hriam sa kaihruaitu pawh kan mamawh. Ti zel teh.
ReplyDeleteTaxi driver an hnatlàn hian sorkar lam hian zahna chang an hre ve ang em aw...?
ReplyDeleteUmuantea, i sawi dik khop mai, driver ho in kawng chhia an siam tih hi a awm ta fo mai, Sorkar hi kan ring zo ta lo tih na em ni ? An hna tur hi driver ho hian an thawh sak ta fo mai, a zia lo lam chu ni e, Sorkar hian zahna chang hre mawlh teh se.
ReplyDeleteZoram siam tha tur hian nang leh kei hian tih tur kan nei a ni lawm ni ?
ReplyDelete- NEI E
Kawng hi engvanga chhe hma em em nge maw anih le? kan lung hmanin a zir lo emawni dawn ni! ziak tha hle mai!
ReplyDeleteKawng tlo lo lutuk hlawm hi chu aw.. thuneitu sang zawkah complaint thrin ila a ziaawm deuh angem?
ReplyDeleteAs_Khiangte
Lunglei kawngchhia hi chu taxi driver ho hian an tuar zual. Pu muante, rualpui biakin kan lo be ve ngawt thin che a, i bloga i thlalak kan hmu chu kan hotupa hlui i lo ni daih. . Ka zak ve deuh. .
ReplyDeleteRickshaw ka tihna, edit thei toh si lo a
ReplyDeleteEkhai ka buai deuhva ka online hman meuh loh karah in va fel liam liam ve. Pu keimah - xingiber, thank you. Ka ziak hun hi a rei ta deuh nain 'history repeats itself' an ti tho alawm. Xingiber: zahna tur engmah a awm love. Tunge i nih ka hre ve chuang hleinem :)
ReplyDeleteVawiin ka khawhar vel in mizo blog hrang2 ka tlawhkual e ka tia,Muante,i blog hian ka mit ala riau a,ka rawn lenglut ve rawi(h)mai!Misual.(com) muantea ni ngei tur ah kan ngai ngawt pek che a!Tom-tea,ka ui note hmangaih hminga misuala nick rawn siam ka nia,ka comment ngai ta lo,ka pass word ka hre tawh lo!!
ReplyDeleteI ngaihtuahna ang khi ka suangtuah ve fo a.Aizawl ah pawh hian kawngpui(main road)pakhat(kulikawn-bawngkawn)kan nei a hei pawh hi kan sorkar leh mipui pawh hian tha tak in kan enkawl thei reng2 lo mai a,a manganthlak a,thin te hi a rim lek2 thin!vvip an rawn kal leh hun ah kar(week) hnih vel daih in an rawn hnawih dum ve leh mai ang tih bak beiseina ka nei ta lo!
Tomte, misual lamah i vang ka lo ti rilru reng asin. password te chu i change leh mai ang chu..
ReplyDeleteMahni ta leh sorkar ta kan han thliar hrang em em mai hi a dik lo khawp mai. Sorkar property chu mipui property a ni tih hi kan hriat thar a tul hle a ni. Ram hmangaihtu leh ram tana thawktu kan mamawh ani tiraw.
Pu Muante i blog hi i va update khat ve a, Thu tha tak tak han auchhuahpui teh, Chhimval khan.
ReplyDelete...Khrum
KCHT
Chhimlam kawngpui hian that ni hmel a hmu thei tak tak dawn lo anih hi maw. A that lohin kan phunnawi a, kan ang a, kan sawisel a, kan inphun lungawi leh mai thin. Information technology lam ah thangduang eng ang mah ila, inkalpawhna kawngpui tha kan neih chuan si loh chuan, kan changkanna chu changkanna zikbul mai a ni ang.
ReplyDeletecaribou, i tidik lutuk. Congress sorkar hi ka dem miah lo, mahse an vanduai vang em niang harsatna neuh neuh kan tawk nasa tlat. Mizoram kawng tha lai a awm mang lo, Gas a har, Buhfai a tlem, power supply a mumal lo....Khua a la var ve chek ang chu.
ReplyDeleteKeini Burma lam ngaihtuah chuan in la ziaawm viua hi maw. Keini chu leihdawh, kawng siam thar, kawng metal, rel kawng, hydro Dam, school, khelmual,adt zawng zawng hi mipui sum khawn a siam, sak, din a nih mai bakah mipuiin hlawh nei lovin a thla telin kan hnathlang thin.
ReplyDeleteMizoram chu democracy kan hman dan hi a herh deuh tlat hian ka hria mipui lam pawh hian thawm neih hun leh kan duh zawng duh loh zawng lan chhuah hun hi ka hre lo deuhin ka hria.
chepa, a lo nih chu mawle.. Mizoram-ah hi chuan sorkar hian mipui hi a ngaichang leh lutuk thin em ni chu aw..ka ti thin
ReplyDelete