Tlemlai deuh khan Nghahloh Dawr chungchang kha a lar viau thin a, a ropui khawp mai. Rinawmna leh Tlawmngaihna tlahniam tawh hle a kan ngaih lai hian khaw entawntlak tak tak pahnih chanchin ka rawn tarlang ve ange.
CHHIAHTLANG: Chhiahtlang khaw tlawmngaihna hi a ropui khawp mai.Tumkhat chu Chhiahtlang khaw chhungah hian leiminin min dang a,motor panga vel kan ding thap bawk a.Ruah a sur avangin tuman chhuah kan tum lem hlei law.
Chutih lai chuan pa pakhat leh a fapa rawlthar hi nihliap khumin bawngtuthlawh nen an rawn kal a, min dangtu leimin chu tumah phut hran lovin an rawn hai ta mai a nih chu! Chumi kan hmuh chuan a thalai deuh zawng chu kan chhuak a rei vak lovah kan thian fai ta mai a.Hemi tum chauh lo pawh hi midangte tanpuia tlawmngai taka Chhiahtlang khaw mite thawh thin thu hi ka hre nual mai.
CHEURAL: Cheural khua hi Phawngpui tlang bul lawka awm,in za nufa vel khua a ni a,he khua aia khaw rinawm hi ka la hre lo.An khaw High School zirtirtu-in min hrilh dan chuan an khaw pumah hian kawngkhar kalhna Tala nei hi pahnih khat bak an awm lo.An khuaah hian thil a bo ngai lova,kawngka pawh an kalh ngai lo.Bungrua pawh pawnah dah tawp mahse a bo ngai chuang lo.
Tin,an khuaah hian ruihtheih thil ti an awm lova.Tumkhat chu chhungkaw pakhatin zu zawrh tumin an rawn pem a, YLA leh mipuiin an duh lohzia lantirin puandum sinin kawng an zawh khum a,an tawp chiang teh asin. Hetianga khaw rinawm hi kan ram riangteah hian awm ve maw? “Pipu lungmawl runah kalhfung a ngai nem maw!” tih hla kha i sa rual ang u hmiang!
Chhiahtlang, ka chhiar a mi a khawih zawr mai, ka salute e.
ReplyDeleteCheural, khawvel thang zela sualna punlun zel hian bawhbuai hauh suh se.
Tlawmngaihna leh rinawmna, zofate hnam lungphum ni zel rawh se.
...khrum
Khumchikthei, rawn anonymous vel lo la, words verification pawh ka paih tawh kha. Ka blog-ah i rawn 'khrum' a, a lawmawm e. Kan ram riangte-ah hian tlawmngaihna leh rinawmna hi luipui angin luang zel teh se.
ReplyDeleteNia, ka sign in hman lova ka anon a nih khi. Pu Muante, zirna lama hma kan sawn theihna tur hian kan value system hi thlak danglam angai tih i hria e, factors dang pawh a tam. Heti lam kawngah hian ziakin hma han la teh u. Internet lama blogs chhiar pha/thei lo nu leh pa leh thalai tamtak ten an tangkaipui theih turin chanchinbu lamah khan lo bei ta che u. Ka vei tlat, in vei ve tho ka ring.
ReplyDelete...khrum
Tlawmngaihna hi a la thi lo teh meuh mai, mahse larpui tumte hian an ti hmelhem lek lek anih hi. zonunmawi hi kan vawn nun reng a ngai ani.
ReplyDeleteRinawmna leh tlawmngaihna Mizo in kan neih hi i chhawm nung zel ang u!
ReplyDeleteKhumchikthei, ka ziak thiam ngut na maw!
ReplyDeletemzvision & Maisek: Zonunmawi hi a hlu a, chhawm nun zel a ngai a ni. Chubakah rinawmna mawlh hi...