Engtin nge faina lamah hma kan sawn ang? (Radio speech)

 

Engtin nge faina lamah hma kan sawn ang?

C. Lalhmingmuana
Chief Organiser
Clean Lunglei

Chibai u le. Mihring nunphung a lo changkan rual hian faina kawnga hmasawn duhna lian tak a tel nghal em maw chu tih turin faina hian kan nun a luah th<k viau mai. Kan pi leh pute hunlai kha mitthlain a chhui let a, mawlmang tak khan khawsa mahse faina kawngah inkaihhruaina an lo nei \ha ve viau tih a hmuh theih. An inkaihruaina pakhat, pawimawh em em chu,‘kawng thlangah zung la, kawng chhakah e rawh’ tih a ni. Inthiar kawngah ngaihtuahna thui tak an nei tih a hriat a, kawng thlanga an zun chuan kawng tibawlhlawh lovin a luang thei a, kawng chhak lama an inthiar chuan kawnga kalten a rim chhia an hre dawn lo bawk a ni. He an inkaihhruaina pawh hi tun thlengin a la pawimawh a, entawn mamawh fe fe a la awm theih hlein a lang. Heng lo pawh an nun kawnga faina nena inkaihhnawih sawi tur a la awm nual a, kan chhui ber a nih loh avangin chu lam chu thl<r thui tawh lo mai teh ang. Mizote nunah hian faina hi thil thar a ni lo va, inkaihhruaina fel tak nen kan lo kalpui tawh \hin tih erawh a chiang hle thung a ni.

Hnam a lo changkan zel hian faina kan tuipui dan leh kalpui dan pawh a nasa telh telh a, hnam changkang kan tihte hian faina hi an ngai pawimawh hle a lo ni. Faina chu hnam changkan leh changkan loh tehna pawimawh tak a ni tlat mai. Kan India ram zau takah hian faina kawnga hma lak nat a la ngai em em hian changkanna lama kan chim chin a lantir chiang hle a. Hlaa kan chawi, chhawrpial run iang kan Zotlang ram nuamah pawh sawi ngai, inzirtir ngai, hriattirna thu awm khauh pui pui nena invaukhan ngai kan la nih avangin kan thlen chin a la sang lo hle tih a hriat mai a. Faina hi hriat chhuah chang chauhva thawh, a huhova tihfai leh dan tuboh hmanga intin run chunga fai ni lovin nunphunga a beh a ngai a ni. Kan nunpui a nih loh a, kan hriat chhuah chang chauh leh mi hmuh lai chauha faina ngai pawimawh kan nih chuan a hlun lo va, lem chang nun mai a ni.

Tun dinhmunah hian kan khawsak sangin changkang viau tawhin inngai mah ila, bawlhhlawh kan sawngbawl dan erawh duhthu a la sam lo khawp mai. A sawrkar ang zawng pawhin hma lakna tur tam tak a la awm a. Khaw hrang hrangah pawh a paihna tura ruahman, khawi lai khamah emaw paih khawm mai bak hma a la sawn theih loh hle. Heng bawlhhlawhte hi paih khawm ringawt lo hian thil dang \angkai siam chhuah nana hman theih a chakawm tawh tak zet a ni. Bawlhhlawh kan tih mai hi alkatra ang deuha kawngpui siam nan te, kawlphetha siamna atan te, lei \ha siam nan te, thil \angkai dang siam chhuah nan tea an hman avang hian ram tam takin an mamawh khawp bawlhhlawh an nei lo zawk a, ram dang a\angin an la lut hial zawk thin a nih chu. Kan India ram ngei pawh hi, a bal viauin hre mah ila plastic lam bawlhhlawh hi Pakistan leh Bangladesh a\angin kan la lut ve tlat nia.An mamawh anga bawlhhlawh la lut \hin ram hi an lo tam khawp mai a – China hi la lut tam ber a ni nghe nghe. Engpawhnise, kha lam kha kan sawi tum ber a ni lo nain bawlhhlawhte hi hman \angkai theih an nihzia lantir nan ka han tar lang mai a ni e.

India ram pawh hian tihmakmawhah ngaiin faina kawnga hma kan sawn theih nan hma lakna hlawm lian pui pui a rawn duang chhuak a, Swach Bharat, Swach Survekshan tih te, kawng hrang hranga hma lak dan tur ruahmanin khawpui leh thingtlang intihsiakna te pawh a siam chamchi chu a nih hi. Scientist ropui, India ram President hial pawh lo ni tawh, DrAPJ Abdul Kalam khan President a niha thu a sawi hmasak berah khan faina a ngaih pawimawh thu sawiin, “Ram dangah in kal a, bawlhhlawh in paih darh mai lo va. India ramah in lo haw a, engati nge in paih darh leh mai mai si?” tiin a \hahnemngaihna a au chhuahpui a. A dik chiah a ni. Faina kawnga pawimawh ber chu ‘tibawlhhlawhtu nih loh’ a ni mai. A thu ho viauin thil awlsam tak angin lang mah se kan la hlawhchham zel chu a nih hi. Tuna kan Prime Minister Pu Narendra Modi hian tih tak zetin faina a rawn ngai pawimawh a, hma lakna lian pui pui pawh a rawn tichhuak a nih hi. Chu hma lakna hlawm lian em em zingah chuan ‘dan hmanga inenkawlna leh dan zawm lote hrem theihna dan’ Solid Waste Management Rules 2016 a rawn tichhuak ta rup mai. Hei zet chu ngaih pawimawh a ngaiin hma lakna tur pawimawh tak pawh a ni e. He dan siam hi chipchiar viau mahse, kan tana pawimawh leh kan hman atana \angkai tur tlem azawng ka rawn la chhuak ang a, tun dinhmuna faina kawnga hma kan sawn theih dan tur sawi chhuah nan hmang ta bawk ila a \ha awm e. Tuna ka sawi tur erawh Solid Waste Management Rules 2016 thawi tham chauh a ni dawn a, a chipchiar sawina hun kan nei lo ni mai teh se.

Solid Waste Management Rules, 2016 pawimawh zual leh kan hman theih tur lak chhuahte:

1.      Bawlhhlawhte chu sum paia chan a nih theih nanahman, hman nawn leh siam thar tur a ni:

Tun dinhmunah chuan sum paia chantir thei turin kan bawlhhlawhte hi kan la sawngbawl hlei thei lo chu a ni a, kan tih theih rualtlang tur chu bawlhhlawh a tlem thei ang ber tichhuak tura \an lak niin a lang.

2.      Bawlhhlawh neitu chuan a bawlhhlawhte chu tawih thei, tawih thei lo leh bawlhhlawh natna thlen thei chi-a thenin a la khawmtute hnenah a pe tur a ni.

 

Bawlhhlawh \hen hran hi a pawimawh khawp mai, a la khawmtute tan pawh himna a ni bawk a, chutih rualin hman \angkai zui a nih theih nan hetiang \hen hran hi a \ul reng a ni. Tunah hian Mizoram-ah chuan Aizawl-ah deuh chiah awmze neiin kalpui a ni a, khaw dangah hian awmze neia \angkai taka hma lak a la ni hlei thei lo. Amaherawhchu, hei hi kan la hmachhawn tur leh thil \angkai a nih avangin lo zir lawk pawh a \ul khawp mai.

 

3.      Bawlhhlawh chu paih darh, hal leh phum phal a ni lo va, lui leh kawrah te paih phal a ni hek lo

Min hualveltu, kan environment chhe zel tur ven hi kan tihmakmawh \heuh a ni. Bawlhhlawh paih darh mai maiin leilung a tihchhiat dan te, bawlhhlawh hal avanga kan boruak chhe zel te, lui leh kawra bawlhhlawh kan paih avanga tuia cheng nungchte tan chhiatna kan thlen dan te hi ngaihtuah chian a ngai khawp mai. Kan ram lui leh kawrte kan fan chuan bawlhhlawh tam ber chu \awih thei lo chi a ni ang. Khawi kipah pawh kal ila hetiang bawlhhlawh hi a lo awm ngh>k ngh<k a. Chung lui tuite chu kan ei leh in atana kan hman a ni leh si a, mahni leh mahni bawlhhlawh t<rin kan inhrai a ni ber mai. Kan bawlhhlawhte \angkai tura kan la sawngbawl theih loh avangin, khawpui leh thingtlangah pawh bawlhhlawh paihna hmun bik kan neih a pawimawh tak zet a ni. Chumi hmun atan pawh chuan ram \ha lo lai leh luikawr pawh lo lai kan thlan thiam hram hram a \ul tak zeta ni.

Kan bawlhhlawh zinga langsar leh tam ber pawl chu plastic lam chi polythene leh thil funna k^wrte hi a ni awm e. Kan paih chuan darh sarh taka awmin a lang \awp em em a, lei a tinghet lovin a \awih thei si lo va. Heti hian ti ta ila a \ha awm e. Plastic bottle, diposable bottle chhungah hian khang sarang leh thil funna dang, \awih thei si lote kha hnawh lutin, hmawlh hmangin hnawh muk zel ila. Bottle pakhat chhungah ringawt pawh hian polythene leh thil funna dang kan paih mai mai turte a leng \euh dawn a. Thla hnih/khat chhunga kan paih darh tur kha a leng ngei ang. Chu bottle chu lo paih ta pawh ni ila pawi a khawih n>pin bawlhhlawh \awp a siam tlem hle dawn a ni.

 

4.      Bawlhhlawh neitu chuan a la khawmtute hnenah pawisa a pe tur a ni a, bawlhhlawh a paih darh mai mai emaw a then hran loh emaw chuan a chawi ngei tur a ni.

 

Hetiang hi danah chuan a ni \hak mai a ni. Mahse, kan khawsak hova hma kan sawn dawn a nih chuan paltlang ngai a awm a, kan nunphung pangngai ang rengin kan nung thei lo tih hi kan hriatchian a ngai takzet a ni. Mipui lam pawh hian engkim a thlawna dawnga a thlawna enkawl vek tura kan inngaih loh hi a \ul a. Bawlhhlawh lakkhawm a nih dawn chuan sum pai a ngaih si avangin kan pek ngei a \ul a ni.

 

5.      Hotel leh restaurant neituten an bawlhhlawh tawih theite chu lei tha atana hman theih turin a la khawmtute hnenah an pe ngei tur a ni.

 

Mipui ei tur siama hralh \hinte hian faina an ngaih pawimawh hi a \ul tak zet a, faina kawng an ngaihtuah rualin an bawlhhlawh an sawngbawl zuina kawngah dan an zawm ngei hi a \ul hle a ni.

 

6.      A theih hram chuan bawlhhlawh tawih theite chu mahni compound-ah lei tha atan awlsam taka a tawih mai theihna hmunah dah ni se, hemi atan hian lei laih khuar (compost pit) siam pawh a tha hle ang. In chhung bawlhhlawh dang erawh a la khawmtute hnenah pek tur a ni.

 

MNREGS hma lakna zingah hian \awih thei paih nana lei laih khuar hia tel a, hmun hrang hrangah hei hi hmuh tur a awm. Hemi bakah hian compound nei \hate chuan \awih thei paih khawmna hmun hi siam ni se, lei \ha siam chhuahna \ha tak a ni mai si a, a \angkai hle dawn a ni. Bawlhhlawh la khawmtute hnena kan pekte hi en ila, \hahnem tak chu \awih thei a ni tlat \hin. Mahni bawlhhlawh \awih thei paihna bik kan neih chuan lei \ha kan mamawh tawk chu kan siam chhuak ve mai dawn tihna a ni. Chutih rual chiah chuan bawlhhlawh paih tur kan titlem sawt dawn tihna a ni bawk.

 

7.      Lamlian sira dawr neiten bawlhhlawh bawm rin tlak tak an nei tur a ni a, chutah chuan an bawlhhlawhte dah khawmin thuneituten lak khawm dan an ruahman an zawm ngei tur a ni

 

Clean Lunglei volunteer-te hi khawlaia bawlhhlawh chhar faiin kan hnatlang zauh zauh \hin a. Chutia kan kal pah chuan kawng sira dawr neite bawlhhlawh bawm kan en tel bawk \hin. Lunglei khawpui chhungah hian anmahni dawrtute tana bawlhhlawh bawm chhawp lo hi an awm thluah nia mawle. Dawr neite hian a langsarah bawlhhlawh bawm rin tlak tak hi dah ngei se chu chuan faina kawngah nasa takin awmzia a nei thei a ni. Bawlhhlawh tam tham deuh kan nei a nih pawhin bawlhhlawh paihna hmuna kan paih hrma hram hi a \ul tak zeta ni.

8.      In sakna leh thiahna te chu dah khawmin danin a sawi angin a hrana paih tur a ni

 

Vantlang kawng nek leh ti\awp theia in sakna bungrua leh a \hiahna dah hi a fel lo hle a. Paih tur pawh a hmunah ngei paih ni se a \ha khawp mai.

 

9.      Huan thlai enkawlna hnawmhnawkte chu tualchhung thuneitute kawh hmuh angin paih thin tur a ni.

 

|awih thei paih khawmna lei laih khuar kan sawi tak ang khan huan thlai enkawlna hnawmhnawk \awih thei chi chu hetiang hian lei \haa chang thei turin ti ta ila  \angkai hle ang. Chumi bakah chuan heng hnawmhnawkte hi fel fai taka paih a nih loh chuan \awp hnawk ti tamtu mai an ni dawn a ni.

10.  Mipui 100 aia tam kal khawmna huaihawttuten bawlhhlawh zawng zawng thliar hrang thlapin a la khawmtute hnenah an pe tur a ni.

 

Mipui punkhawmna huaihawttute mawhphurhnaah dah ta ila a dik awm e. Chutih rualin pungkhawm mipuite pawhin mahni awmna hmun \heuh kan tihbawlhhlawh loh kha a pawimawh leh hle bawk a. Tin, mipui punkhawmna buatsaihtuten bawlhhlawh paihna tur ngaihtuah tel ngei ngei a \ul a ni. Bawlhhlawh bawm paih leh mai theih tal pawh dah ni se a \angkai thei hle ang. Punkhawm zawh hnua sulhnu chhui tur an awm ngei a ngai bawk.

Solid Waste Management Rules 2016 chipchiar leh \hahnem tak a\angin tun maia kan hman \angkai nghal theih tur nia ka hriat 10 lek ka rawn la chhuak a, hemi zawng pawh hi kan zawm thei a nih chuan kan hlawkpui hle ang. A nihna takah chuan faina inzirtirna hi naupang lama \an kan tih hi dik em em mah se, puitling lam hian kan mamawh hle zawk lo maw aw ka ti rum rum \hin. Faina Hapta-ah hian veng hrang hrang en dikin kan kal ve fo \hin a, kan bawlhhlawh hmuh tam, darh sarh taka awm \hin chu meizial bung te, kuva eina chil chhak te, kuva hring dahna sarang te, chinai tahna te, plastic bottle leh no ruakte a ni. Heng hi naupang paih chu a tlem ngawt ang.

Faina chungchang kan sawi lai hian remchangah lain polythene hman tlem pawimawhzia hi tawitein uar deuhin ka han sawi tel teh ang. A \awih thei si lo, kan luikawr ti\awp ber maitu a ni. Polythene hman ngai lo tura mahni lam insiamrem a \ul hle a, thil kan lei a nih pawhin a dahna tur bag inken sa hi a \ul tak zet a ni. Kan bawlhhlawh hmang hian kan leilung thawkna dwt kan r>k ping a, chumi sawhkhawk tuartu chu keimahni tho kan ni.

Faina kan sawi hian hriselna, thianghlimna leh mawina kan sawi tel a, \hen hran theih lohin an inkawp tlat a ni. Mi changkang, khua leh tui \ha, Pathian thu awih nih i duh a, itu leh fate tan pawh chenna tlak leilung i hnutchhiah duh a nih chuan FAINA NGAI PAWIMAWH ANG CHE.

Ka lawm e