Rilrua riak ru veng veng hi puak chhuahpui ta ila tu’n min dem lem lo’ng chu maw. Ka ngaihtuahna vak kualin duhthusam ram a thleng a, a sawhkhawk chuan heti hian hla a rawn chawi chhuak ta si! Bawhzui tlak awmze nei a hrin chhuah phei chuan a va hlu dawn em!
‘Ruahvarpui bang theh’ thluk hian han ‘chheih’ chhuah tum phawt te’ng.
A khi Fangtlangpui a mawi an ti, (Mawi an ti e)
Fan ka nuam e ‘sual’ rual nen zingzin iangin (Chheih)
Hlim zai vawrin, zan tlai dawn lovin (Awi a dawn lovin, awi awi)
‘Khelkhawn’ zai lam pawh hian:
Zuangin tho r’u tlang tin tlang hranga leng zawngte,
Tawn zai kan rel Fangtlangpuian, Fangtlangpuian e;
Tawn zai kan rel Fangtlangpuian,
Tlangpui, tlangpui, Fangtlangpuian
Fangtlangpuian e.
‘Free verse’ an tih lam hawite hian ka awi chhuak thei angem?
Zochhumpui zing leh khuangruah sur
Kian zai rel la hnutiang hawi lovin,
Sakhmel tawn loh thaleng rualten
Tawn ni her na ngai kan ti,
Thanghluan Fangpui tlang dam diaian.
Theih zawng chang se kawlvalenchham
Kar dana leng lungduh zawng nen,
Kimte’n zan tlai reng dawn lovin,
Hlim ni chen zai rel ka nuam ngei e.
An rel thiam ngei ang lakthiam chhaktiangpa,
Thangvana leng leh thlir thui Zawlkhawpui valin;
Thlangtiang Sappui hneha hringkir pawh,
Ka huam nange hmarzawl pasaltha leh fuliafa lakthiama;
Chhimtlang miril zawng nen,
Anpai, mingo tui al liak chenin.
Thingdiman ka sawm dawn che’m ni Berhvate?
Huiva hramthiam nge Thuva nunnem zawk?
Rualtin runa biahthu hlanin,
Tak chang theia’n ka sam hei hi,
Fangpui tlang MI kei ka lungkham.
Tawngtial lam thleng hian hawh ta ila Pu Shelley-ten min dem lem lo’ng chu maw.
Hast’ly, Hast’ly comest thou,
Spirit of MI;
Wherefore hast thou left me now,
Many a day on thinking thee.
How shall ever one like me,
Win thee back again?
With friends whom I long to see,
On high greenish mountain.
Hmuifang ah hian September 2010 hian MI chu neih ngei tum ila. Thlenkim zan atan Thursday nithei sela. Hemi zan hian Hmuifang phul remchang ah riahbuk sual ngei mai ila. Ber-thla boruak a lo ni tawh anga, zan boruak thiang hip pahin kan titi luai luai anga. Titi tawp lamah a phur zual kan zai ho ang chu mawle.
ReplyDeleteAtuk khua a lo var anga chhuahlam ngaw kar ram te kan fang anga, a thren thirsakawr keng kan awm leh Hmuifang khu-ah chakhkai te han lam sela. In fit deuh tan tlaklam kham ah han inkhai tlha vel sela. fit vaklo ho-in kham ko a him chin atrangin "Awi" lo ti tawk awk bawk ila.
Kan ei-in tur zingah kerh kerh nena inhmeh tak sa-hm-hmin kha tel ngei sela. MI leh hma zawng tiin XMas hla sa in kan inthlah ang chu mawle. Pathian zarah dam hauh ila ;)
Pu mz, Hmuifang ah buh mal thlauh ngei chu a chakawm khawp mai! I dream hi han hlawhtling thei phei se chuan a nuam khawp ang. September-ah chuan khua a tuihul em tawh ang chu.
ReplyDeleteKan nghah thal favang lo her chhuak se
ReplyDeleteZobawm thingtin parmawi vulna Zotlang sang ah
Hringnun hun chep ata put chuakin
Riakbuk sual zai rel in MI-zaleng nen
Buhchangrum malsawmna tui dawt ka nuam e
Lengi tang belh ai chuan..
Thlunglu hai in,perhkhuang nen
Zai vawr ka nuam
Tlang in min sel lo se..
Eu eu eu!! wiskah, a va tha ve! Poem lam hi i talent ropui tak tak zinga pkhat a ni ngei mai. Han ti zel teh.
ReplyDeleteLenna khua mah dangin
Tuanna mual mah dang si e;
Min sel lo u leng zawngten
Tawn ni her ka nuam
Tawn loh tah leng rualte.
I free verse hi a tha bon top, kan lehkha zir lai te khan nang ang hian min lo zirtir sela chu ka nep lo ve viau tur hi a nia, tunah erawh, 'Nau ang tahna' a ni ringawt :-)
ReplyDeletetriplestar, i thusawi chuan min tilawm hle mai! Poetry hi Literature ka zir laiin ka tui ngai lo, ka zir chhuah hnu-ah chiah hian ka tui leh roh si a. Mahni thinlunga vei em em phuhchhuah nan poetry hi a tha ber hial lo maw aw ka ti ta deuh a ni.
ReplyDelete