June ni 25 zing khan val upa kan chan a. A thi tih ka hriat hian ka la tho lo va, mu chungin he hlahril (acrostic poem) hi ka ziak ta nghal a. Dawrah tar theih tura siamtirin amah vui nan ka va pe a, thangchhuah diar ka bàn nghal bawk.
VAL UPA R. ZAIKUNGA
(01.01 1953 - 25.06.2020)
Rihsâng mual i liam ta maw, kir rel lovin,
Zalêng chhing zo, tlawmngai nopui dawmtu;
A fam ta maw awmlâi dawihlo vangin,
Iang zo awm lovin a chawi Zo nun hlu;
Kil tin mawi zo, mi hrâng a chân Zoramin,
Uanpui ka nuam kawlkil hâwlin a hringnun thu;
Nghilh ni kan nei lo'ng e Zofa lengin,
Ani ang mi bik leh ropui chu.
