Thang khat lian zet tawha vairampura ka zir ve laiin kan thianpa pakhat hian ‘Hmanlai Mizote tlawmngaihna kha chu ‘Nopui’ dawm duh vanga tlawmngaihna lek a ni e’ tiin a sawia, ka ngaihdan kalh tlat anih avangin kan inhnial nasa viau mai a.
Hun rei tak hnuah, tunhnai mai khan kan titi honaah hetiang zawng bawk hian pakhatin a rawn sawichhuak lehpeka, hemi tum pawh hian ka tang na leh khawp mai!
Hmanlai Mizote tlawmngaihna, mahni nunna hial pawhin a tuar khawpa tlawmngai Neuva te, Taitesena te, Khuangchera te leh midang tam takte, kha chawimawina nopui hlawhchhuah duh vang maia khatia tlawmngai leh huaisen ta ni thei hian ka hre tlat lo.
Mihrang Sahrang hmaah mahni lu zuarin theihtawp an chhuaha, khawtlangin an muanpui em em thin a ni. ‘Mizo tlangval,thian chhan thih ngam’ tih hi chhuang taka kan sawi zel dan tur pawh ni thei se ka duh nghe nghe.
Kawng danga thlir chuan chawimawi duhna avanga tlawmngai niin an lang thei em? tiin ngaihtuahna pawh min sentir viau mai. Chawimawina Zu Nopui kha tunlaia Noble Prize ang hiala hlu a ni thei dawn a,khami chang thei kha chu khawtlangah pawh an langsar hle dawn a ni.
Chutianga chawimawina ropui dawng thei tur chuan theihtawp chhuaha, harsa ti viau mahse ti lui hram hramin, khawtlang mithmuhah tlawmngai huaisen ang pawhin a inlantir theih viau dawn niin ka hre tho mai bawk a.
Engpawhnise, chawimawina hian mihring hi kawng tam takin chhawm nung bawk mahse, chapona tlangah a hlang chho awlsam riau thin a, mi tam tak tlakchhiatna pawh a lo ni tawh thin.
Tunlai, hian a phu miah loten chawimawina ropui tak tak an dawng nual tawh lo maw? tihte ka ngaihtuah zela. Phu avanga chawimawina hi chu a hlu a, inchawimawitir lam erawh hi chuan lukhawng a nei fahran awm love.
Lu chhum ban chhum huam a, a thim a var pawh thlu lova pi leh pu te'n tlawmngaihna an lantir thin te kha a ropui ka ti. Lal leh upate an fel a, tlawmngaihna hlutzia an hria a, an ngaihhlut zia lantir nan leh chawi nun zel an duhna avangin mitlawmngai te chu an phak ang tawk tein an chawimawi thin.
ReplyDeleteChawimawi duh avanga tlawmngaihna erawh a awm ve thei tho. Chu tlawmngaihna chu tlawmngaihna der mai anih vangin a tlo lovang a, a saseh a thlen meuh chuan a takin tlawmngaihna a lantir miah lovang le.
caribou. Ka ngaih theih loh tak chu, general taka pipute tlawmngaihna nopui dawm duh vang leka chhuah hi a ni. Tunlai mit atanga thlir chuan a fiah hauh lovang le
ReplyDeleteKan Mizo pipute nunah khan Chawimawina Nopui khan an tlawmngaihna kha a hnûk tlat niin ka hria.
ReplyDeleteHmanlai tlawmngaihna leh tunlai tlawmngaihna erawh a inang ta lo.
Mr. TSA, ka blog i rawn tlawh a ka lawm e. I thil sawi hi a dik thui viau ang. Amaherawhchu, pipute chanchin kan hriat theihah Nopui dawm tura lalin a tih thenkhat tlawmngaihna avanga biru bo ta te pawh sawi a awm thin kha.
ReplyDeleteChawimawi duh a tlawmngaih chhuah an awm thin! Kan mizo nun zemawi taka tlawmngaihna hi chuan nopui a beisei lo, a hrechiang ten nopui chawi a chawimawi a phu e an lo ti zawk a nih ka ring. Aw Tlawmngaihna hlu....
ReplyDelete...khrum
Khumchikthei..a ni khawp mai. Ka blog pawh hi ka update hlei thei lo, chanchinbu lama ziak chu a tha khawp mai, tih theih hun a la awm mahna
ReplyDeleteNgaihnawm. Hriat lar loh a mi tlawmngai an tam em! Eng lawmman emaw beisei vanga intihsiakna ang mai a ngaitu chuan tlawmngaihna awmzia a la hre tawk lo emaw, mi tlawmngai tak tak a la tawng lo aniang! Ti mai teh ang..
ReplyDeleteRempY, welcome to my blog! I sawi dik lutuk.
ReplyDeleteKu Muante i blog chu luh a nuam hle mai.
ReplyDeleteHmanlai kan pi pu te huna tlawmngaite kha chu a tam zawk kha chu tlawmngaihna thianghlim niin ka hre ve tlat, beisei let an nei lova, an chapo lova, mi tan an hnawksak ngai lo va entawn tlak tak a ni.
Tunlai YMA tlawmngaihna ka ti mai a, mi dang phut lehna, beisei nei, chapona nei chunga tlawmngai hi chu kan Mizo tlawmngaihna hlu hi an ti dazat zo vek hian ka hria.
Muantea nge nge! ziak tha hle mai! Tlawmngaihna hi a ropui a,kan pi leh pute tlawmngaihna ang kha chu tunlai thalaite hian an pha tawhlo ni te hian ka hria! Kan pi leh pu te tlawmngaihna kha chu chawimawina duh vang ringawta tlawmngai an nih a rinawm love!
ReplyDeleteChepa & Maisek.. Tlawmngaihna chungchangah hian hmanlai leh tunlai hi thenhranna awm miah si lo hian a hrang ru tlat si hi a buaithlak lai ber chu a ni
ReplyDeleteNgaihnawm si ve, ka chhiar peih zawng tak mai a ni.
ReplyDeletengaihnawm hlemai
ReplyDeleteThanks HV & Anon
ReplyDeleteKa lo lut ve tawp. In lo sawi hnem tawh hle mai... ka sawi ve ni-
ReplyDelete1. Val Upa in, "Helaia lung chu lungtat atan ka van duh tak em" a tih lai khan Vanapa khan ngawi renga ah sakin ngawi renga pek ve mai awm...
2. Nopui a dawm ve theih miah loh vanga pem ta daih kha tunge?
3. Khuangchera te thiandun kha, engvangin nge an pahnih chauhin ral an beih mai; a hunlaia Mizo Society nena ngaihtuahin a inhmeh kan ti em? A thianpa kha Khuangchera khan a bawl(?) lehchhawng a ni mai lo maw?
4. Neuva kha 'at huai' tih atan chuan kan ui deuh hlek a ang ka ti thin.
5. Hnamdang ho hian nunna hial thapin tlawmngaih an lo chhuah ve tawh thin reng em? (Trojan War etc...)
6. Neuva chhiar tel lovin kan pasaltha te zingah khan 'tlawmngaih chhuah tak tak vanga nunna chan ta' engzat nge awm? (teh dan a inang lo thei viau ang).
"Mizo tlawmngaihna kan sawi vul chuk a, side lehlam atanga thlir tan chuan a chhuanawm em em hran lo. Society in huaisen lo thei lo, tlem avanga tlawmngai fal awm lo thei lovin a siam a, Hri tih lohah chuan Ral kha an hlauh ber chu a ni mai bawk a, a tulna vang liau liau a tlawmngai an ni" ti te pawhin sawi ta se, ka in ngaihtuah ngun khawp ang..... Tunlaia kan tlawmngaihna phei hi chu 'tlawmngaihna dazat' a ni ti ta ila, ei lo tak tak an tam viau bawk ang hehe.
Dawldanga, I lo lengluta a lawmawm e. Tlawmngaihna hi sirtin atanga thlir vel hi a hlawh khawp mai. Mahse ka thu tlukna ni thin chu- Pipute nunah khan tlawmngaihna hi lo awm lo ni ta se, tun thlengin kan sawi vul chuk lovang- tih te mai hi
ReplyDeleteInchawimawitir tih tak hi cheap popularity tih nen hian a inang rengin ka hria. A ngaihnawm khawp mai. Kei chuan Mizo nihnaah hian a bet tel tlatin ka hria he 'TLAWMNGAIHNA' hi.
ReplyDeletedolerich, thenkhat chu sum pein chawimawina engemaw an dawng niawma sawite a awm thin, hei hi zawng ka rilrem zawng a ni ve hauh lo.
ReplyDeleteHotupa i blog hi han update leh tawh la!
ReplyDelete...khrum
khumchikthei, ka taimakna hian min peih lohsan rei deuh alawm mawle. Hei Masi chungchang ka han ziak e, Radio-a ka sawi tur a nia
ReplyDelete